समुहाची नियमावली :

१. हा समूह मराठी शाळांसाठी म्हणजेच शैक्षणिक आहे. इथे २ च विषय ठेवा. मराठी शाळा आणि मराठी भाषा.
२. शैक्षणिक चर्चा होऊ द्या. १५ दिवसातून एकदा/महिन्यातून एकदा/वेळ प्रसंगी
३. समूहावर जात/धर्म/देव/राजकारण वगैरे असल्या विषयावरची चर्चा टाळा. हे वादाचे मुद्दे आहेत. याशिवाय दुसऱ्या जाती-धर्माला दुखावले जाईल असे संदेश देखील टाकू नका. यातून मतभेद आणि नंतर मनभेद होतात. याचा परिणाम तुमच्या एकीवर होऊ शकतो. या बद्दल ची मते स्वतः जवळ ठेवावीत.
४. शैक्षणिक साहित्य प्रसारित करा, तुमच्या शाळांचे प्रश्न मांडून दुसऱ्या शाळांकडून त्यांची मते जाणून घ्या.
५. एकवेळ समुहात लोक कमी असले तरी चालतील पण प्रतिसाद देणारे, चर्चेत भाग घेणारे, हवेत. बोलला नाही तर तुमचे आणि दुसऱ्याचे दोघांचे नुकसान आहे...
६. कुठले संदेश समूहावर टाकावे ? - मराठी संदेश/साहित्यिकांची ओळख करून देणारे संदेश/शाब्दिक कोडी/सामान्य ज्ञान, अर्थात ज्याचा तुम्हाला मुलांना शिकवताना उपयोग होऊ शकतो
७. मराठी टंकलेखन करा. आपण मराठी भाषा आणि देवनागरी लिपीचे समर्थन करतो.
८. पोस्ट करताना पहावे समुहावर काही चर्चा चालु आहे का? असल्यास संदेश टाकताना थांबावे.
९. बऱ्याच लोकांचा  इंटरनेट डाटा pack मर्यादित असतो, त्यामुळे  उगाच भलत्याच विषयावर वाद घालू नये, त्यामुळे बाकी लोकांना विनाकारण त्रास होतो, आणि आर्थिक नुकसान होते आणि लोक समूह सोडून जातात.
१०. या सगळ्याचा उद्देश समुहावर बंधने टाकणे नसून, या समुहातून प्रत्येकाला जास्तीत जास्त फायदा पोहोचवणे हा आहे..
११. सर्वच प्रशासक तुमच्यासारखेच नोकरदार असल्याने, सतत सर्व पोस्ट्स पाहणे शक्य नाही. एखादी आक्षेपार्ह पोस्ट आढळल्यास कृपया कोणत्याही प्रशासकांना फोन करून कळवा.
___________________________________
अतिरिक्त नियम - १
आपण आपल्या ज्ञानभाषा समुहाच्या मुख्य उद्देशाला कुठेही बाधा न पोहोचवता, नियमावलीत खालील काही बदल करू शकतो...
रोज संध्याकाळी ७ ते रात्री १० किंवा वेळोवेळी विविध विषयांवर चर्चां केल्या तरी हरकत नाही. जास्तीत जास्त लोक या वेळेत सक्रीय असतात आणि सर्वांना चर्चेमध्ये भाग घेता यावा म्हणून वेळ सुचवली आहे. बंधन नाही. आत्तापर्यंत आपण मुख्यत्वे भाषिक आणि शाळांच्या विषयांवर चर्चा करत आहोत. पण तरीही वाद नको म्हणून, जात/धर्म/देव/राजकारण यावर चर्चा टाळूया. वाचनकट्ट्याला मात्र कसलीच बंधने नाहीत. तुम्ही कोणत्याही विषयावर आक्षेपार्ह नसलेले साहित्य वाचू शकता.
चर्चेसाठी विविध विषय कोणते असू शकतात?
गॅजेट्स, छंद, तुम्ही घेत असलेले समाजोपयोगी उपक्रम, वाचलेले लेख, ऐतिहासिक संदर्भ, शैक्षणिक/रोजगाराच्या संधी इ. अगदी त्यादिवशी तुम्ही अनुभवलेला मजेदार किस्सा जरी बाकी लोकांसोबत शेयर केलात तरी हरकत नाही.
___________________________________
अतिरिक्त नियम - २ - दिनांक ३ एप्रिल २०१६
ज्ञानवर्धक चर्चा चालू असताना, कृपया कोणत्याही असंबद्ध पोस्ट्स टाकू नयेत. प्रथम काय चर्चा चालू आहे ते पाहूनच पोस्ट करावे, अशाने चर्चेत सहभागी लोकांचा रसभंग होऊ शकतो.
___________________________________
अतिरिक्त नियम - ३ - दिनांक ३ एप्रिल २०१६
समुहात चर्चा करताना भाषेत उर्मटपणा येणार नाही किंवा आपण कोणाला दुखावणार नाही याची दक्षता घ्यावी.
___________________________________
अतिरिक्त नियम - ४ - दिनांक ३ एप्रिल २०१६
नियम न पाळणार्‍या सदस्याला अनेक वेळा सूचना देऊन देखील सुधारणा न झाल्यास, नाईलाजाने काही काळाकरता समुहातून काढून टाकण्यात येईल.
___________________________________

!!!Everything can not be documented!!! प्रत्येक मुद्दा लिखित स्वरूपात मांडणे अशक्य आहे!!! त्या त्या दिवशी, जनभावना लक्षात घेऊन, दिवसाचे महत्त्व लक्षात घेऊन प्रशासनामार्फत निर्णय घेतले जातील.

समुहाचे ट्वीटर खाते - https://twitter.com/SarvatraMarathi

फेसबुक पान - https://www.facebook.com/MajhiShalaMajhiBhasha/

ब्लॉग - http://sarvatramarathi.blogspot.in/

      || ज्ञानभाषा मराठी ||
|| माझी शाळा📚माझी भाषा ||