माझी प्रतिगझल

तमाम नव्या गझलकारांची सपशेल माफी मागून सादर आहे माझी एक प्रति गझल
:v :v :v


नवीन वाटलेली गझल जुनीच आहे
या शब्द वेल्डरांच्या धंद्यात खोट आहे

रचले कितीक इमले गाळीव अक्षरांचे
गरजूस मात्र देण्या हातात शून्य आहे

भांडवल किती करावे अज्ञात त्या दग्याचे
यांचेच दुःख असली तुमचे ते फ्रॉड आहे

उकरून आणलेले मुडदे जुन्या घावांचे
ते टांगण्यास भिंत नव  फेसबुकची आहे

सजवून मांडतांना जखमा विव्हल जिव्हारी
अश्रुस मात्र आता ग्लिसरिनचा वास आहे

भोकाड पसरुनीया  रसिका किती पीडावे
वळवून पाठ तोही इग्नोर मारतोहे

नवीन वाटलेली गझल जुनीच आहे
या शब्द वेल्डरांच्या धंद्यात खोट आहे

.....मिलिंद रानडे