पण नक्की ध्वनीमुद्रण कसे करावे माहिती नाही, बरोबर ना?
खालील माहिती तुम्हाला उपयोगी पडू शकते.
ध्वनिमुद्रणासाठी लागणारे साहित्य
१. चांगला भ्र. ध्वनी संच.
२. वायरवाले हेडफोन+माईक
३. आत्मविश्वासपूर्ण, खणखणीत आवाज
४. ध्वनीमुद्रणाकरता योग्य Android App
नाव - Voice recorder
इथून डाऊनलोड करा - https://goo.gl/XF5g3U
_________
कृती -
प्रभावी ध्वनिमुद्रणाकरता काही गोष्टींची काळजी घेणे गरजेचे आहे.
१. सर्व प्रथम भ्र.ध्वनी संचाचा आवाज एकदम बारीक करा - ०
२. भ्र.ध्वनी संच फ्लाईट मोडला ठेवा, म्हणजे इतर आवाज येणार नाहीत तसेच मध्येच कुणाचा फोन येणार नाही.
३. Voice recorder - उघडा. स्क्रीनवर Recorder, Voice Memos, Settings असे ३ पर्याय असतील. त्यातील Settings हा पर्याय निवडून Record File Type = mp3 आणि Record Quality = Low Quality ठेवा.
४. हेडफोन कानाला लावा, आणि माईक तोंडापासून ३-४ इंच अंतरावर, तोंडाच्या डाव्या किंवा उजव्या बाजूला ठेवा. एका हाताने पुस्तक/लेख समोर धरा.
५. Voice recorder अप्प मध्ये बरोबर मधोमध, एका पट्टीवर तुम्हाला डाव्या बाजूला रेकॉर्डिंगसाठी-ध्वनिमुद्रणासाठी, लाल ठिपका दिसेल, त्या ठिपक्याला बोट लावल्यावर ध्वनीमुद्रण सुरु होईल. तुम्ही तुमचे वाचन पूर्ण करा आणि वाचन झाल्यावर पुन्हा लाल ठिपक्याला स्पर्श करा म्हणजे ध्वनिमुद्रण थांबेल.
६. ध्वनिमुद्रण थांबले की, त्याच स्क्रीनवर 'Voice Memos' पर्याय निवडा तुमच्यासमोर ध्वनिमुद्रणाची फाईल दिसेल, ती शेंदरी रंगाने अधोरेखित केलेली असेल.
७. त्याच स्क्रीनवर खाली, तीन चित्रे दिसतील.
डावीकडून पहिले - फाईल डिलीट/काढून टाकण्यासाठी.
मधले - फाईलला तुमच्या पसंतीचे नाव देण्यासाठी
तिसरे - शेयर करण्यासाठी.
तिसरा पर्याय निवडा, तुम्हाला whatsapp चा आयकॉन दिसेल, त्याला स्पर्श करा, नंतर तुमच्यासमोर contact ची यादी येईल, त्यातील कुणालाही तुम्ही निवडा, आणि उजव्या कोपऱ्यातील बाणाचे बटन दाबा. तुमचे ध्वनिमुद्रण संबंधित व्यक्तीला मिळेल.
काय आणि किती वाचावे?
तुम्ही वाचनकट्ट्यामध्ये, तुम्हाला आवडलेल्या पुस्तकाचा एखादा अंश/मासिकातले लेख/वर्तमानपत्रातले लेख/अहवाल इ. वाचू शकता. वाचताना लेखक आणि प्रकाशकांचे ऋणनिर्देश करायला विसरू नका. वाचन साधारण ५-७ मिनिटाचे असेल तर आपण आवडीने वाचतो, वाचन खूप प्रभावी नसेल आणि खूप लांबले तर, आपण ऐकायला नाके मुरडतो, त्यामुळे यासर्व गोष्टी लक्षात ठेवून वाचनाकरता विषय/लेख/वाचनाची लांबी ठरवावी. सरासरी समुहातील सदस्यांची वाचने ५-७ मिनिटांची असतात.
____________
वाचनकट्ट्याचे एकूण ५ गट पाडण्यात आलेले आहेत.
📚भोलानाथ कट्टा - लहान/शाळकरी मुलांसाठी
📚 अत्रे कट्टा - खुला गट
📚 सावरकर कट्टा - खुला गट
📚अमावस्या कट्टा - खुला गट - बाल्यावस्थेत
📚 पौर्णिमा कट्टा - खुला गट - बाल्यावस्थेत
ज्या सदस्यांना यात सहभागी व्हायचे आहे त्यांनी गटप्रमुखांना संपर्क साधा. सोबत सर्व कट्ट्यातील सदस्य विभागणी देत आहोत.
- मृणाल पाटोळे/सुयोग जठार
- सुचिकांत वनारसे/गोपाल कपाटे बुवा
|| ज्ञानभाषा मराठी ||
|| माझी शाळा📚माझी भाषा ||